╭。☼台南之旅 (1) - 墾丁海生館☼。╮

一月一日 (星期四)

香港往高雄班機9:00起飛,之前一晚仲成點至瞓,天未光就要起身去坐巴士,由天黑坐到天光,竟然俾我影到2009年第一個日出,

 

 去到機場好早,即管影吓過氣聖誕布置,上到飛機就影雲,經濟客位多數坐機翼位,

今次係自由行,之前好多資料都唔係自己搵而係問啱啱十一月去完台灣的卜友悶蛋兄咋,墾丁個行程基本上係參考(抄)佢嘅,十點半就去到,唱埋錢都係十點九,一早預約好包車接送去民宿,沿途一路都好好天,點知去到墾丁就開始天灰灰,我自己真係唔方唔灰啦~ >_<

當日係台灣連續四天假期第一日,因為佢哋有兩日新年假,再加星期六日,國內好多人都去墾丁玩,不過天氣唔好大門口,水池都是灰灰的, 

好彩本身都係打算參觀海生館,一共有二個館好多唔同種類嘅魚,比海洋公園多,不過裡面好黑,啲魚又郁郁郁,好多都影得好肉酸,最開心係見到Dory,

 

 又有一條魚個咀係藍色, 一路話肉酸一路影

又有有波點嘅魚,

不過水母就反而麻麻地~

 當日天色好暗,一個館往另一個館之間是户外,又係灰,又大風,明明話恆春半島係18-22度,當日好大風,吹到傻,啲樹
同個海都變得好蒼涼,

 由於太灰,所以俾小朋友玩嘅設備變得好colourful,最好,

 入最後一個已經五點幾,果度收六點,但個天已經開始黑,不過原來最後一個館有個好高嘅魚缸,有4層樓咁高,有海星,同埋最正係有企鵝,

企等鵝正面原來有條線架,好古怪咁~但又好可愛~

 

 至於食就麻麻,一開始食關東煮唔好食,就咁淥咋,啲丸好難食最好食係白蘿蔔咋,另外去海生館食個豆沙餅,只係暖唔夠熱,扣分~

夜晚打算去掃街啦,又唔係太多嘢食,冇咩影相,只有一樣好食,不過day2 至講