20131117 - ◈◈城門水塘◈◈

11月17日星期日，

由於星期六好夜至返，所以都好晏至起身，熊來到都兩三點，但見天氣好好，涼涼地，又唔曬，提議不如去城門水塘行吓，因為貪佢近市區，而且易行。

一開始就上咗去條壩上面，因為唔知邊個開咗個鎖，可以行上去。

平日好似入唔到去架。

之後行一陣好快就入到去水浸百千層附近，之前係經過呢兩旁樹。

今次水漲得好厲害，得好少地方可以企到人，一大片地都變哂水。

呢啲位上次係可以企同坐，今次就變哂水。

行行吓見到好多牛，唔怪之得啦，成條路好多牛屎，因為有好多牛。可以係一家牛。

之後係咁行，由於Hea到四點至開始行，今日又天黑，差不多五點半就開始好黑，行好耐都未到呀，又冇燈，嚇死人啦，如果天黑前都出唔番去，怕俾人掛喺棵樹上呢。

最後要六點半先行完，天都黑齊了。