20131113 - ♠♤小城知味♤♠

11月13日星期三。

宜家熊搬了去葵涌，會多啲去葵芳呢， 葵芳多嘢睇，尤其是好平好平的手機套，女仔衫等，多數在葵涌廣場，

不過我哋今日係行新都會。

去了CATALOG買咗對hidden heel 波鞋，貴貴因為係ADDIAS，應該會好著，仲有件外套呢，都是熊送俾我，多謝呢。

行完一大輪之後去搵嘢食，有EURO GOGO，有吐司工房之類，但我哋反而揀了少人食的小城知味，因為見到佢有個魚。

想食吓魚。

如果點小菜加十蚊會有飯加湯加糖水。我哋叫兩個小菜，但只加一個SET就算啦，因為碗飯好大碗。

湯都幾夠味，如果可以冇咁鹹會更好。

點了茄汁蝦，蝦比較細隻，顯然不是好靚的蝦，當在屯門大牌檔食茄汁蝦都要78蚊時，呢度5六十幾蚊就知唔會好大隻蝦，上次大牌檔好食啲，因為呢個都幾酸，但都OK。

枝竹炸魚，唔記得咩魚，當然唔會係好貴的魚，不過佢配枝竹都唔錯呢。

甜品是喳咋，食埋好飽啦。