20131109 - ╭。☆又返白田☆。╮

11月9日 星期六，

哥哥早一個月前預定今日海鮮打邊爐，可惜今日天氣好熱，但都照買野，原本想去長沙灣順寧道街市買野，所以會帶媽媽哥哥返白田行下，媽媽超過十年冇去白田了。

專登去十二座華園食嘢，叫了茶餐，味道都ok，我食五香肉丁通粉。
裝修冇咩大改變，只係燈光較白了。

推介了叉燒奄列，幾好食呢，仲有叫了一件西多士share 食，五個人都只是145元。

以前我同媽媽會食一碟碟頭飯先返學，今日我哋一行五人，我同哥哥都各自有另一半一起來，好開心。 呢種感覺好奇怪。唔識形容呢。

之後我哋冇去長沙灣，反而去了楊屋道街市，因為前幾日熊特登過來睇過，啲嘢好平好多選擇呢。買了泥鯭，蝦，蟹，帶子，象拔蚌等海鮮打邊邊，可惜冇人記得影相。嗚。

前兩日去了葵芳葵涌廣告行街街，買埋兔兔。