20180203 - ╭。☆士多啤梨蛋糕層層疊 ☆。╮

2月3日星期六
天氣凍，而且又病足一個星期，又食藥個人好攰，終於到了星期六，成兩點先瞓，所以十一點幾先起身。爽，終於可以好好休息。

BB都起咗身一段時間，而且見BB仲有幾聲咳未好哂，姐姐又煮緊午飯俾BB，所以我哋食完早餐(BRUNCH) 之後等BB瞓晏覺，兩公婆去街拍拖。

行吓街，睇吓BB嘢，BB玩具，喺千色買咗啲減價衫俾BB，買定95下年冬天著，唔算好平，減價都要成一百蚊一件，不過啲款式好CUTIE，靚靚。
之後又四圍行吓，由於食了一個早餐好飽，但今晚又八點先食飯，所以都要食少少嘢，兩公婆於是食吓McCafe，可以食蛋糕又可以飲咖啡。

今日試咗新嘢。McCafe 新推岀士多啤梨系列，好吸睛！
士多啤梨蛋糕層層疊 ($27.5 ；點中/大飲品+$17）粉紅色真係超少女💗面頭有白朱古力片。千層蛋糕係士多啤梨味，每層唔算薄，同Lady M冇得比，但係cream都幾滑，每中間仲有士多啤梨果肉，士多啤梨味算濃郁所以食落唔會好膩，甜但可接受。最底層係士多啤梨醬加海綿蛋糕🍰整體不過不失，屬於係新野試一次就夠，起碼好過之前件綠茶千層蛋糕(伏味濃)。

之後再食了腸粉燒賣。買咗魚同買嘢煲湯先返家。
返到屋企都五點半，同BB玩玩，工人姐姐去咗31樓幫手，BB都唔理，之後公公婆婆嚟到，仲買芒果糯米糍俾我哋食，然後過去食飯飯。


今日BB唔俾我同表哥傾計呢，之後晏少少玩得開心又冇嘢。


BB坐按摩椅好開心呢，好嘆咁。