20180202 - ヾ(◍'౪`◍)ﾉﾞ煙肉羽衣甘藍白汁煙斗粉

2月2日星期五
今日仲有咳，以為好返好多，不過原來一講嘢都係喪咳。

約了阿桃食飯，點知一傾計就咳。嚇死人，好彩大家都熟就冇所謂。
由於咳到HIGH HIGH，今日嘫飯堂食嘢都唔叫包包，叫了煙肉羽衣甘藍白汁煙斗粉，唔駛食包乾乾。

煙肉羽衣甘藍白汁煙斗粉-  配上滋味白汁的煙斗粉被香濃的帕馬森及莫薩里拉芝士和薰香的煙肉覆蓋，同時加入大熱健康食材羽衣甘藍及西蘭花。
我問阿桃咩係羽衣甘藍先知原來係一種好有益的蔬菜。綠色就係羽衣甘藍，我上次食以為係西蘭花呢。上次食過覺得芝士味太勁，今次食又幾好食，可能因為咳到死，食啲濕濕地嘢幾好食。再SHARE一件香蕉蛋糕，好好食。



原來平價蔬菜羽衣甘藍(kale，類似中國芥蘭)是世界上最營養的食物之一，除了是具有抗氧化性能的蔬菜之外，還有著有益健康的植物化學物質，並可抗炎。每天食用被認為能幫助降血壓、甚至預防癌症，更不用說它還富含鈣、鈉、銅、鉀、錳、磷、鐵等豐富礦物質。

羽衣甘藍是十字花科蔬菜，與椰菜花、西蘭花及椰菜同屬甘藍家族，含大量維他命K、A、C、纖維質、胡蘿蔔素及多種類黃酮，有助抗氧化、抗炎、抗過敏及抗癌。羽衣甘藍更證實能降低膽固醇並減少患癌風險──其提煉物可抑制結腸癌細胞，並遏止雌激素在體內的代謝，故有助對抗乳癌及子宮肌瘤。

晚上去睇多次鄧柏生，有嫂嫂教路，放工打去攞籌之後先去坐巴士，六點三打去拎65籌，當時睇緊20，坐981P返到去一個鐘左右叫到六十籌，等多幾個字就可以睇，睇完等攞藥反而都幾耐呀，醫生話應該唔駛再返嚟睇，又要食多次抗生素，要食多三日藥，好辛苦呢，今日天氣好凍，睇完醫生等車時凍死。幾時先凍完，佢哋去百佳買嘢，BB等埋我食飯先返屋企。