20130526 - ◇◆藍花蟹◆◇

五月廿六日星期六

瞓到十二點半呢。因為琴晚夜晚有歐聯呀。兩點九至做，上半場都瞓咗覺，冇入波，下半場醒番就2：1，拜仁勝。

熊都係晏起身，所以見到都三點幾了。

食少少野，主要是去街市買今晚餸。同埋買燒肉，再加埋琴日的cheese cake 當晏晝。

買咗藍花蟹，未煮熟之前是藍色的。好鮮甜，只是太細隻，所以唔係太多肉，四隻先一斤多少少，好味，不過因為細隻，拆蟹肉比較耐，所以食咗成粒鐘，

仲食咗條好新鮮的紅鮋，四十蚊已經超大條，有魚味而且啲肉質都幾實淨，冇食飯都好飽。

食完都七點幾，趕頭趕命去睇戲，睇嚇鬼阿嫂，泰國鬼片，點知原來係笑片，故事有啲離譜，當笑片睇都可以，驚嚇只有少少。本身期待係驚唔係笑，所以覺得少少失望咁啦。