20130501 - ❤咖啡紅豆冰@樂園❤

5月1日星期三

原本熊想過來同爸媽一起飲茶，點知爸爸為了賭馬早到十一點幾就飲。
熊邊有咁早可以來到吖，所以之後再等熊過來接我。


今次去九龍城市政大樓飲咖啡紅豆冰。
呢間嘢唔憂做。上次星期日去到係唔開。
星期六亦都好早收檔，咁公眾假期呢？
好彩都係休半晝，本想買外賣，佢話唔做外賣，
唯有上去堂食，去到佢話做埋我哋，結果因為咁就食多320蚊(牛肉乾) 嗚嗚。

入到去就三分天下，差唔多一半位都係泰國嘢，其他就係樂園同馬仔，

由於我已經食咗嘢，所以叫紅豆冰同埋多士。

 就咁睇.紅豆唔似大xx果d睇到係一粒粒，而係好似倒左紅豆沙入去咁
飲落就淡淡都有紅豆，好粒粒，但都有d起沙.，咖啡味唔濃，不過都OK。比較甜。

油占多正常STANDARD啦。

 仲有點了西多士，好多人食西多士，等得比較耐。都幾好食。

之後去九龍城寨公園行吓，
細細個時，媽媽有朋友住九龍城寨，成日都去架，只記過入口是一間整餅店，好大陣椰油味，之後左穿右插一輪就可以到媽媽朋友家中。
自從九龍城寨拆了之後都冇來過。


原來好大，整到古色古香，有啲似嶺南之風，不過細好多。
同冇池塘。

 唔少地方有啲九龍城寨的舊照同堆歷史介紹。

 呢棵樹應該好耐，但九龍城寨以前啲樓好密，冇來到呢個位就應該唔會見到棵樹啦。

 南門遺址。

 已成了法定古蹟啦。在一九九四年清拆時才發現的。