20130504 - ❤午餐晚餐❤

5月4日星期六。

追鴨追得太開心，忘記食午餐。
坐船過海都耐耐地仲影咗一輪鴨。
成個海港城都係人，影完相唔想再逗留了。
即離開。
去了澳門冰室，是上樓的。
原來都是澳門茶餐廳的集團。

 熊點了下午茶餐。
我就點了特餐。
特餐有叉燒通，唔喜歡個通粉有坑呢，冇咁好食。
同埋個湯底好鹹，冇飲湯都覺得鹹。

 特餐仲有多士腸仔配煎蛋白，好少可可以食到煎蛋白呢，幾健康。

 熊點了的下午茶是豬扒包著條，都OK，不過塊豬扒都少鹹呢，呢間嘢係偏鹹。
之後見隔離枱點紅豆冰，我又好想飲，所以又點紅豆冰。都OK~


晚餐是自家制的，用剩餘物資炒埋啲雜菜，上次整意粉剩的，只有娃娃菜是今日買的。好味呢，要食吓菜至係。

 在百佳買了豬手。幾好食，唔算太鹹。啖啖肉。

之前過年時買的飽魚麵贈品。

包括兩隻小小的即食飽魚同埋飽魚麵。

 飽魚麵個汁好鹹。但都係滿足的一餐。