✿｡◕‿◕｡✿樹懶的日記✿｡◕‿◕｡✿

2012年5月2日星期三

20120502 - (◍•ᴗ•◍)維記

5月2日星期三。

放工就去了深水埗，以前細細個出世到中一都係住深水埗，但從來唔覺深水埗有咁多嘢食，因為我地住白田，市區嚟講比較偏僻，(不過點都唔及宜家折墮住鬼地方)所以其實以前都好少去到深水埗地鐵站一帶。
宜家熊的公司在長沙灣，有時都會去深水埗，先知深水埗有好多好嘢食。
例如我最愛的豬膶麵。
初初同熊一齊時都食過，不過當時冇影相。
今次再去食。 :)
我要淨豬膶麵，咩餸都唔駛要。

熊的有埋餐肉。

膽固醇高，間中食吓好了。

之後再去食糖水，綠豆沙同擂沙湯丸都好正，湯丸好鬼新鮮。

2012年5月1日星期二

20120501 - ╭❤╯結晶品╰❤╮

5月1 日，
飲完茶之後同熊去花墟睇花，熊想買啲植物種吓，我就好少行花墟架，
好多嘢睇，由於覺得用泥種植物比較煩，而且又可能惹蚊，所以都係簡啲水種植物，我地都係比較喜歡清雅的植物，唔喜歡太花巧。
所以揀了呢幾棵，

好鍾意有紋的葉。

放在水裡的珠珠有好多顏色揀，五顏六色都有，不過我都係鍾意透明/淺色會比較清新。
呢個就係我同熊的結晶品。唔係B，係棵花。

在熊家HEA一陣之後就同熊去了屯市食晚飯，放假都係人多架啦，好彩EURO GOGO唔係太多人。

食了必食雞翼，好鍾意蜜糖味。

店裡面有張POSTER推介的菇，都OK，雖然唔太喜歡芝士焗，不過咁大個磨菇都幾好食。

當然少不了PIZZA啦。

20120501 - ╭。☆鳳城酒樓☆。╮

5月1日星期二，勞動節假期

熊鍾意間中飲茶食點心，我都鍾意，假期HEA HEA 去了旺角，試吓鳳城，夠老字號，
上次本來想試，但因為有落場時間 (2:30)，所以飲唔到，今次就食到啦。

由於都係午市尾段，有好多嘢都冇得食。
不過都食咗腐皮卷。
唔錯。

鳳爪，好傳統的鳳爪，冇加啲無謂嘢。

包，

仲有煎餃，幾好食呀。

OVERALL都幾好食，好傳統，不論賣相同埋味道都同以前傳統的一樣，唔會話做到好精緻，大大隻蝦，或啲好靚好靚的賣相，
宜家酒樓好少再有啲咁傳統的點心，而味道又唔錯。
可以再番兜。

不過因為臨近落場時間，到二點半三點就開始熄燈趕人走，熄吓一盞熄吓一盞。唔走唔得。

2012年4月27日星期五

20120427 - •●✿小南國✿●•

4月27日星期五。
爸爸因公幹唔返屋企，媽媽冇人陪悶悶，所以一早約定熊同媽媽食餐飯。
怕媽媽唔想周圍去，去得遠，於是近近地去沙田小南國。

點啲平日媽媽少食的，等媽媽試吓。
點了四喜烤麩，好好味呢，可惜分量比較少。

仲有紹興花雕醉雞(罕有地失守影到鬆郁濛) :p

担担麵。

紅燒肉，平日我地少食好多肉，反而出去食飯就食多啲肉，呢個好食，肉好腍，而且啲皮都好正，自己整好難整得咁入味。
不過份量其實好少，唔好睇佢食個盅，其實上面只有個淺淺的碟裝幾舊肉咋。

蟹粉鍋貼，一咬就有汁走出來，鍋貼底脆。反起個底上碟幾得意。

鴨，好好食，好脆好香，又食肉呢，食到捧住個肚了。

最後點多個酒釀小丸子，媽媽未食過呢，都幾好食。
食埋甜品就大家滿足了。

不過貴貴呢。
要熊請，我好肉痛。

2012年4月25日星期三

20120425 - ♪♬♩♫cooking mama 360♪♬♩♫

4月25日星期三

同熊去沙田食嘢，行街。
連城廣場啲嘢好似平少少。例如euro go go ，唔算太多人，而且平平，
所以去試吓其他食店。
cooking ma ma 360 主打係日韓的可鍋飯。
食日本嘢，叫了鰻魚蟹肉飯。
味道好普通，蟹肉唔係啲咩靚貨色，醬汁普通。

份量偏少，但價錢又唔平。
似蟹柳多啲。

仲食了咖哩豬扒飯。份量好少。

冇咩驚喜，唔係啲咩好好食，亦唔難食，不過最大問題係價錢，佢只係food court貨色，即是應該30-40蚊左右。但一個set 60-70蚊就真係完全唔值。

所以冇下次lu。

2012年4月22日星期日

20120422 - •●❀hea hea 星期天❀●•

4月22日星期日

同熊在熊家附近HEA HEA，春天開始同圍好多靚花。
其中呢棵好靚。

在熊屋企附近，揸車成日經過，吼咗一排，好似越開越靚，熊見我咁喜歡於是就落車影吓。
一排幾棵。
淺黃色花仔。佢靚在開滿成棵樹，好密的花仔。個幾星期後經過，啲花仔冇哂，

可惜我唔知係咩花，其實香港四圍都見呢隻花，不過花期短暫，

往年留意到，但冇影過。
鍾意影相之後多左留意身邊事物，更加珍惜周遭一切。

之後去海趣坊稻香飲茶，趁天氣未係好熱，我地坐出戶外，冇咩人肯坐戶外，所以我地可以唔駛搭枱。

食吓嘢。

腸粉唔錯。

兩種餃。

紅油抄手，唔辣的，啱我食。

節瓜脯，少瑤柱仲好食。

燒賣好食。

2012年4月21日星期六

20120421 - ☼☼黃金海岸TEA☼☼

4月21日星期六。
要返工，攰攰，熊見我星六都要返工，知我攰攰，而且天氣都開始熱了。
所以最好都是HEA HEA。
熊揸車接我到黃金海岸食TEA。
TEA SET兩層架，百幾蚊一個TEA，環境就一流。
因有露天位坐，但食物就一般。

有鹹點同甜點，但不要太大期望。

飲品，尤其咖啡唔多得，
我哋SHARE 一個SET唔夠，叫到個三文魚卷，呢個則OK。
戶外，呢啲天時可以HEA HEA又一個下午。

之後返熊家，熊住飯食。
蕃茄薯仔湯，

蒜蓉蒸絲瓜，
好鮮甜。

煎魚，用欖角蒸，屋企唔會點食欖角，覺得好特別呢。

仲有帶子，

好新鮮好大隻，但係因為太大隻，所以好難預蒸的時間，好易過熟，但好惹味。

兩口子，三餸一湯，好好味。

2012年4月20日星期五

4月20日星期五
好大雨，熊揸車過來接我去CYBERPORT睇戲。
Cyberport，我之前真係一次都未去過，住在鬼地方的人點會去港島南？
第一次接觸是幾年前去伯大尼影相，知道望到Cyberport。
真正第一次去就係同熊拍拖去街第一天，中午去完赤柱。晚上去西環食飯，之後再去數碼港，
當日天氣好凍，得11,2度，我哋唔係去睇戲，而係坐係公園的長凳食風，靜靜聽熊講他的事，他的點點滴滴。
我相信，這個片段我永遠都記得。

今天再去數碼港係去睇戲。
睇戲之後就食嘢，
去了西環的pizza q，熊的朋友住附近介紹的。
一間得十多個座位的小店，做外賣為主的。