20120427 - •●✿小南國✿●•

4月27日星期五。
爸爸因公幹唔返屋企，媽媽冇人陪悶悶，所以一早約定熊同媽媽食餐飯。
怕媽媽唔想周圍去，去得遠，於是近近地去沙田小南國。

點啲平日媽媽少食的，等媽媽試吓。
點了四喜烤麩，好好味呢，可惜分量比較少。

 仲有紹興花雕醉雞(罕有地失守影到鬆郁濛)  :p

 担担麵。

 紅燒肉，平日我地少食好多肉，反而出去食飯就食多啲肉，呢個好食，肉好腍，而且啲皮都好正，自己整好難整得咁入味。
不過份量其實好少，唔好睇佢食個盅，其實上面只有個淺淺的碟裝幾舊肉咋。

 蟹粉鍋貼，一咬就有汁走出來，鍋貼底脆。反起個底上碟幾得意。

 鴨，好好食，好脆好香，又食肉呢，食到捧住個肚了。

 最後點多個酒釀小丸子，媽媽未食過呢，都幾好食。
食埋甜品就大家滿足了。

不過貴貴呢。
要熊請，我好肉痛。