20120502 - (◍•ᴗ•◍)維記

 5月2日星期三。

放工就去了深水埗，以前細細個出世到中一都係住深水埗，但從來唔覺深水埗有咁多嘢食，因為我地住白田，市區嚟講比較偏僻，(不過點都唔及宜家折墮住鬼地方)所以其實以前都好少去到深水埗地鐵站一帶。
宜家熊的公司在長沙灣，有時都會去深水埗，先知深水埗有好多好嘢食。
例如我最愛的豬膶麵。
初初同熊一齊時都食過，不過當時冇影相。
今次再去食。 :)
我要淨豬膶麵，咩餸都唔駛要。

熊的有埋餐肉。

膽固醇高，間中食吓好了。

 之後再去食糖水，綠豆沙同擂沙湯丸都好正，湯丸好鬼新鮮。