20170810 -☺ 飲夜茶@想點就點☺

8月10日星期四

今日同熊人出街，放棄了BB豬。

因為想去睇LINE FIRENDS

先去上環永安同熊人買啲嘢之後就去尖沙咀。

熊人話上環有得飲茶，我哋兩口子又去吓。

 

點了叉燒腸。腸粉是即拉，入口柔軟帶煙韌，配料有鮮味的叉燒，腸粉唔係配豉油，而係用奶白色嘅魚湯浸著，所以又叫走色腸粉，都幾得意。

魚湯嘅味道好鮮味，腸粉嘅質感好煙韌軟滑！

 

蒜蓉蝦長春卷$26，好食，新鮮炸起，熱辣辣，而且非常足料好多蝦，啖啖都係蝦。

魚肚上湯鮮竹卷$20，又係好足料，上湯唔錯，清清地，冇咁濃味。

鳳爪一般，正常質素。

鴛鴦蟹籽燒賣18蚊兩粒大大粒，而且係有啲唔同的，一個係正常蟹籽，另一隻係黑色魚籽，黑色魚籽好似香口啲。

另外點了，香芋流心西多士 $30

即叫即製，口感一流！兩塊方包夾住香芋夾心，色澤金黃的外層鬆脆可口，內裡包身鬆軟，不過香芋不是太流心，味道只是普通，可能因為都幾油，食完呢個太飽了。

或者奶皇可能我會鍾意食啲。