20170801 - ♨爬得快+夜跑♨

8月1日星期二

BB爬得好快，因為佢好鍾意爬。

宜家一放BB落地就好開心，即刻係咁爬，因為咁都爬得好快啦。可能因為爬爬可以去到屋企每一個角落，自由度大，所以佢好樂意爬。啲人話BB爬得多係好，因為可以令前額腦部發展好，所以啲人話最好爬多啲。

但係佢宜家只爬唔肯企同行，佢會扶住啲嘢企同橫行，但我哋自己扶就軟腳蟹。

今日熊射波原本想游水，但點知今日馬鞍山係洗池，只有夜晚同我跑，一星期只跑兩次咋，跑兩次只係KEEP FIT，不能減肥，要減的話跑三日先有用。唔知點解跑極都係4.5K，冇咩進步，有時仲好似冇咩氣咁。

嫂嫂佢哋星期一由日本返，有手信俾BB同我。

我都想去日本，可惜宜家真係唔係話去就去，冇錢而且又要諗埋BB，最快BB戒片先可以去旅行啦。

BB的疏乎蛋襪，我本身都有，可以母子裝。

我的大公仔。