20170805 - ♫中村藤吉抹茶蜂蜜蛋糕♫

8月5日星期六

宜家LUNCH HOUR成日都周圍行吓唔好食完坐喺度，有時會行去IFC，又或者會行去PACIFIC PLACE，總之就要行幾個字，其實我想懶懶行咁午睡，不過唔想再肥，而且郁吓都健康啲吧。

前兩日行咗去太古廣場，竟然有中村藤吉限定店，估唔到LUNCH TIME都好少人，行咗一陣見啲嘢都好貴冇買嘢，

不過星期五又想去買綠茶月餅俾媽咪，於是又去多次。

 

今次買了月餅劵之外，仲買咗抹茶蜂蜜蛋糕，百多元一件都好貴呀。

日本食物包裝一絲不苟。

綠茶味夠濃，而不會過苦，有蜂蜜的蛋糕令蛋糕有點濕氣，蜂蜜味恰到好處同綠茶味都夾到。唔錯。

不過份量真係有點少，如果再買可能未必，試過就夠了。

如果去日本平啲就可能會買。