20160131 - ♠♤齊齊行山♤♠

1月31日星期日，

熊人話有免費飛去AIA嘉年華，本來約好哂同黑白人四個一起去玩，點知原來星期六日不可以入場。

好彩大家住樓上樓下，在lobby商量咗一陣，一係去跑十個圈，一係又去城門水塘，結果又係去城門水塘.....琴日先行完又行....。就快馬騮都認得我同熊人了。

 

今次一落車就見到牛牛。

今日冇咩太陽，天色唔好，仲話開始轉涼，但我哋都行哂成個水塘，我同熊人行慣當然冇問題，朋友好少行都堅持行哂，中斷食個包，出一身汗咁，星期日近近地行兩個鐘都幾好。

我哋充當導遊帶佢哋去水浸百千層。

大草地，不過今日冇太陽就唔太吸引。

尾段超級多馬騮，一群群咁，唔知係唔係天氣轉冷，佢哋都成群趕路。
但數目真係太多，令到我哋兩個女仔都有啲驚。