20160101 - ♨♨大潭水塘♨♨

1月1日星期五

難得好天同熊同好姊妹及其男友行山，熊人揸車到大潭水塘嗰頭行吓山，做吓運動，當日都有十幾廿度，著褸就比較熱。

四年前同熊人第一次行山就係呢度啦。*\(^o^)/*之後我哋都有去呢度行過一兩次。

當日係曬咗啲，但行咗個幾鐘，姊妹的男友好辛苦，頂唔順。我哋唯有就佢冇再行上上塘頂。（≧∇≦）

我哋之後就分開去南記食麵，由於只行咗一陣，唔夠喉，於是周圍再去吓，去咗西環公眾碼頭，影吓空置的貨櫃。當然仲會等埋美麗的日落。

呢度日落好靚。無遮掩。