20130912 - 14 - ✈✈北京公幹✈✈

九月十二日星期四

今日飛北京，要星期六至返，要同熊分開兩日，今次得一個人去。難得刻薄老闆唔阻撓，坐10：30班機，可惜朝早去機場好塞車，好彩在家食了早餐。去到冇咩時間，只有同熊大兔兔影張相，原本想帶間條熊去，但熊唔俾，於是帶兔兔同熊大。

午餐在機上食，唔好食，仲喺飛機完成一幅之前未畫好的圖。一落機就急急腳過關同坐的士，好塞車，個幾鐘至到公司。

同事見我冇食午飯，就俾咗個竽泥月餅我食，七點放工，買幾個麵包食就算。

今次間房超級大，有廳有廚房。仲送咗三個梨。

食完飯冇事做，出去行，冇去王府井小吃街。反而去咗遠少少街尾另一條小吃街行，只去過一次，今次第二次，好多野食，如果熊喺度一定會掃街，由於我之前已經食了麵包，所以只試一串魷魚。

來回不夠一小時，之後回酒店休息。

九月十三日至十四日，

朝早冇早餐食，食了琴晚食淨的綠茶卷加一個梨。綠茶卷裡面竟然唔係紅豆，而係提子乾，好憎提子乾，冇食哂個蛋糕。

lunch本來係老闆過來一齊食，不過佢遲了落機，趕唔切，於是自己食，又食麵包。今次個疏乎里cheese cake 好好食，食完想再encore呢。

之後老闆來到，晚餐就在酒店食中秋晚宴，由於老闆喺隔離，再冇影相啦。