20151223 - ☹☹大病一場☹☹

12月23日星期三

無端端病呀。

上星期六去咗愉景灣咳咗幾聲已覺得唔多妥，之後又聲沙，星期日唔知係唔係去完大棠落雨凍親，就開始咳。

星期一睇公司醫生唔得，之後星期二開始勁鼻塞，又攰到c，先意識到唔係鼻敏感，而係大傷風，嗚嗚，星期二冬至明明放早4:15，但大辛苦，叫熊在葵芳接我返家，返到家就只有瞓覺，瞓醒就食粥，已經食咗幾日粥....

 

星期三就sl，真係頂唔住了，又傷風又晚晚都半夜咳醒，無覺好瞓。看來聖誕假期應該泡湯了。

有個同事話抽到大獎，財多身子弱，算啦，都兩年冇試過大傷風。病吓都無法子。