20151211 - ☆★小小聖誕樹★☆

12月11日星期五。

想買棵聖誕樹放家中，雖然屋企好亂，但想有啲聖誕氣氛。

於是去深水埗睇吓。深水埗玩具街最好文具玩具，中秋有燈籠，聖誕節有聖誕樹同聖誕飾物。

但要早啲去，因為八點左右就收。

估唔到咁熱鬧，有唔同大小的聖誕樹，聖誕圈，飾物，大大小小，應有盡有。

而且好多人，個個都穿插在唔同小店中，聖誕氣氛仲濃厚過尖沙咀。

 最後買咗棵小小聖誕樹，幾十蚊有交易，本身已有雪decoration。啲雪會甩到成地都係。但都幾靚吖，有聖誕氣氛。