20130221 - ☹黑仔☹

2月21日星期四。

上星期六開始已經日日咳。
星期一睇醫生之後開始好辛苦，幾日都咳醒。
啲藥好散，個人好攰。
日日仲要番工企成個鐘頭先返到工。
呢幾日坐地鐵都要搵嘢扶住，好唔精神。
今日臨到九龍塘又咳咳咳，可能因為咁個人分咗神。
一出火車就叉錯腳踩落月台空隙。
嚇死人。
好彩叉咗一半就仆喺地下度。
右腳成隻小腿跪喺地下度，好痛，個月台助理都問我有冇事。
我見咁多人，又起到身就拿拿林起身繼續行。
其實都好痛吓。

結果忍唔住Whatsapp 熊哭訴下。
熊一早流流俾我嘈醒。
番到公司檢查吓傷勢，好彩唔係好嚴重。
仆穿了一邊絲襪同埋加腳小腿腫起咗，應該冇咩事掛。

比起以前仆親大大鑊已經好好多。
唯有自我安慰自己係不幸中之大幸。
因為媽媽聽到我叉錯腳去月台度都嚇一跳。
叉錯腳可大可小。
冇咩事算係不幸中之大幸。
苦笑~