20130214 - (≧▽≦)Team開年飯@碗屋

2月14日星期四。

開工大吉。放咗五日假，簡直唔想返工。
返到去第一個鐘頭都係逗利是。
自己team 的lunch也就是開年飯，今年去碗屋食呀。

碗屋係貴嘢。有次夜晚去食放題都唔錯。
記的08年係中環做時，呢度lunch 已經係最平都百四五蚊。
對我嚟講好高消費。
不過呢幾年物價飛升。宜家好多時都食百五蚊個lunch。
今次嚟到見到啲set係百五至二百(cap at 198)，又ok喎。

 好多同事都叫了鮑魚set。
我都係其中一員。

set 有沙律。

 烏冬可揀牛/雞。
我當然揀雞。
呢個烏冬好大。成個窩。
最大件事佢又好好食。
質料彈牙又爽口。似稻亭烏冬。

 未上壽司前，上咗個蘿蔔w/f少少鮑片鮑汁。
我哋仲話，原來鮑魚係咁。
>_<

 上壽司之後就覺得好得。

海膽好新鮮，平日唔食海膽的我都覺得唔錯，最開心冇甜蝦，拖羅都好正。

 原來係有鮑魚架。哈哈。

 同事的刺身set都好正。

食到捧住個肚走人。