•●✿花滿樓京川滬菜 Flower Trump Restaurant and Lounge✿●•

六月三日，同走咗的舊同事去聚舊，有同事話有唔知咩coupon 會抵食，於是就去咗呢間
花滿樓京川滬菜 Flower Trump Restaurant and Lounge (不過睇openrice 已結業啦。)
以下的照片由手機影，所以質素麻麻地。

呢間食上海嘢，所以當然少不了小籠包。ok 喎，唔及金滿庭咁好食，不過都唔算差，好多湯汁，只係皮未算好薄。

上海粗炒。ok

每人一碗雲吞雞，好似係有coupon 送的，所以是以人頭計，一人一碗唔會俾多你，唔會好重味精，起碼我唔覺。雲吞幾大粒。

蘿白絲酥餅，熱辣辣好新鮮，啲餡直情好似漏出嚟呢。

松子桂魚，好好食，炸得幾脆又入味，酸酸甜甜好開胃。 

醉雞好重酒味。 唔錯。 

拔絲香蕉，我本身只係一般。 

幾好食又幾抵食，可惜已結業，如果唔係都會要幫趁架。