•●☼熱辣辣星洲行Day 3- 黃亞細肉骨茶 & 回程☼●•

在Merlion Park 曝曬了幾個字，啲汗不停滴出嚟。
但要去黃亞細肉骨茶食肉骨茶，黃亞細肉骨茶在小印度 (Little India) 嗰邊，幾遠呀，只好又打的。在 Ragoon Road，

呢間好出名食肉骨茶，逢星期一休息，一去到，好多人要等位，仲有唔少拎住本閃閃令的旅遊書的香港人，呢間好巴閉0架，下午二時就收檔，要嚟食就唔好咁遲啦。店面是大排檔，但店員用PDA落order，勁。

我好耐年前去過馬來西亞好鍾意食肉骨茶，喜歡其藥材味，但呢個冇咩藥材味，只有勁重的胡椒味，sorry ..not my cup of tea，唔鍾意食...

之後去番City Hall一大堆商場行吓嘆冷氣好了，好多個商場連住哂計有Raffles City , Suntec City，City Link Mall 同埋 Millenia Walk 等等，冇嘢想買，因為同香港賣嘅嘢冇分別，又貴喎，有咩好買，不如去食嘢啦。

呢間裝潢好特別，好喜歡，唔肚餓，但唔食嘢打發唔到時間，所以食啲小食

呢個好好食。

coffee好精緻，好正

 
 食完番Sheraton收拾細軟去機場。
最後因奉命要買斑蘭蛋糕回港，在機場買了幾個番來，仲試了斑蘭芝士roll，好味呢。

 機場見到Free Internet Zone...唔放過上網機會。

坐多一陣機就返港了。