✿｡◕‿◕｡✿樹懶的日記✿｡◕‿◕｡✿

2007年9月28日星期五

╭。☼中秋假期一日遊 (上)☼。╮

九月二十六日（星期三）中秋節假期

天氣起初不太好，好像有雨及天陰，不過到下午開始放晴，食完午飯之後約咗朋友去影相，今次地點是大埔海濱公園，呢個公園都幾大，環境唔錯，所以少不免有唔同嘅花朵，有啲喺花展見過吓，

有昆蟲屋，昆蟲屋附近有不同的假昆蟲造型，有啲都幾得意，例如：甲蟲，不過大部分都係恐怖為主，昆蟲屋外面有個荷花池，不過大部分荷花都凋謝了，不過環境都唔錯，昆蟲屋裡面則有些昆蟲標本，不過我實在太驚昆蟲，所以就算是昆蟲的標本，我都好驚，好多標本都唔敢影，只係夠膽影幾隻蝴蝶標本咋，

另外，有露天廣場，西式花園等，所謂西式花園其實是種滿玫瑰花，不過大部分的玫瑰都殘哂，好辛苦先揀咗啲冇咁殘嘅花，可以影吓咋，

由於是中秋節假期，之前有採燈會呢，所以有不少花燈擺設，其中比較特別的是有類似NEMO的造型，不過日頭日白冇著燈，唔係太靚．．．

大埔海濱公園比較有特色的是有一個回歸塔，由周南題名，回歸塔下有朵很特別的花，有沒有人知道是甚麼花呀？回歸塔由於近海邊，而且有幾層樓的高度，所以很清涼，吹吹海風很舒服，可以看到日落呢，不過日落的方向是看樓景，所以不是太靚，我們沒有等到太陽完全下山就走了，因為要趕下一個行程．．．

2007年9月23日星期日

•●❤風月堂 (updated with earrings)❤●•

今日都幾忙，一早十一點鐘去尖沙咀補照超聲波，之後就趕去葵芳，因為今日去婆婆度做節，我婆婆住葵涌，所以行一陣先上去，由於前一輪返工經過新都會廣場知道果度開咗風月堂，而且vyvy又去過話有餐，好抵食，所以就諗住請阿媽去食吓，

真係好懷念沙田間風月堂，食過幾次就執咗好可惜，雖然唔算平，不過好好食，尤其是甜品，今日我哋叫做午餐，有麵包同埋湯，有主菜，阿媽嗰個係石鍋牛肉雞肉飯，而我個係海鮮雜菌墨汁麵，點菜時根本唔知有甜品架，直至點餐飲時佢問我哋要咩雪糕先知有甜品，係雪糕窩夫，我要豆腐味雪糕，成個餐都係$63咋，好抵，以前喺沙田食開好似冇咁抵，唔知係咪因為食晚餐貴啲，定係地區性問題呢？

之後行吓新都會廣場，因為上次去影尖東夜景時，跌咗一隻耳環，所以想買返隻，無錯係一隻，因為我係去MaBelle度買耳環，可以一隻一隻買，我隻耳好麻煩，成日唔舒服發炎，戴普通耳環只要由早戴到晚都會痛，只可以戴半日，不過呢間啲耳環就唔同，一啲敏感都冇，我好喜歡啲長耳環，因為夠顯眼，今次一買買三隻咁多，當係慶祝定遲啲加人工囉～

之後行到四點就去婆婆度做節，見佢好精神，都唔錯，冇咁擔心，見到兩個舅父同阿姨，仲有表弟表妹，好多人好熱鬧呢！

2007年9月18日星期二

♠♤基本構圖法♤♠

上回提過構圖十大錯誤，究竟怎樣才可以有好的構圖呢？書本提出很多種構圖法，不過比較簡單易明的有以下兩種：

井字形黃金交叉點構圖法

當我們拍攝人物或風景畫面時，有時會有不知將主題或陪襯的景物置於畫面那個位置較恰當的困擾。今次介紹的是井字形黃金交叉點構圖法。

所謂井字形黃金交叉點構圖法，就是假設我們在畫面上畫一個井字形，則井字的四個交叉點就是黃金交叉點，而這四個交叉點就是佈置主題或其他陪襯景物的最佳位置。將景物置於這四個點時不但不呆板，而且會使構圖更顯活潑，均衡且平穩。這種井字形黃金交叉點構圖法不但容易使用，尤其當我們將景物安排在四個點中對角的兩個點時，拍出來的畫面更讓人有平衡，協調，悅目的感覺。

黃金分割律構圖法

黃金分割律構圖法跟井字形黃金交叉點構圖法很相似，所謂黃金分割是說，當我們將一個平面或一條線加以分割時，如果使大部分比小的部分，等如大加小的總和比大時，這種分割就稱為黃金分割。黃金分割比例的數值大約是８：５或１.６２：１。

當攝影畫面被水平線、地平線、河流、瀑布、道路、吊橋．．．．．等造成分割時．我們儘量讓大、小畫面比例接近８：５。因為這樣的分割比較賞心悅目。

黃金分割雖然能給人比較好的視覺感受，但是我們也不需死守８：５的數值。有些分割方式雖然不是正好８：５，例如採用所謂「三分法則」，所形成的２：１。因為接近黃金分割，因此視覺效果也不錯。

2007年9月12日星期三

█▇▆▅▄▃▂柏麗灣▂▃▄▅▆▇█

九月九日(星期日)

飲完茶就出發去青衣行山，目的其實不只是行山，因為我一向不喜歡戶外活動，只是因為聽說沿青衣徑走，可以影相，可以拍到青馬大橋和汀九橋的景色，天氣原本不算熱，不過走起路來立即汗流浹背了，一邊走也不忘影影附近的花草樹木，老實說，其實很少花草樹木，我家附近公園的植物品種多十倍百倍，最慘到了觀景台因為天氣不好，看到都是白白灰灰的景色，也拍不了甚麼好照片，換來的只是每邊小腿被蚊叮了四口共八處，現在腫了一大片，比手指頭還要大! (=_=)"

既然沒甚麼好看就到柏麗灣走走，我還是第一次到柏麗灣，去到已經差不多六時，天氣不好，天陰陰的，沒有太陽，所以看不到日落，只好到沙灘走走，可能近海，所以有些海風，非常舒服 (^_^)

最後等到天黑當然要拍下青馬大橋的景色啦，之後乘車到葵芳吃晚飯，就是因為吃了一些小辣的米線，結果胃痛，之前食藥都前功盡廢了*_* ！今日忘記帶醫療卡，所以沒有看醫生，痛到想嘔 >_<

好消息：　做完所有功課啦！（DEADLINE分別是星期五，星期六及下星期一）很厲害耶，不過又要開始今個星期的功課了～可以休息一天，星期四再開始努力啦～其實Accounting Theory有條問題唔多識，有少少亂做的成分 !u_u

2007年9月9日星期日

♪♬♩♫近況 ♪♬♩♫

快快手手出一個blog先，星期四去咗新開嘅＜大老爺茶餐廳＞食晚飯，因為我好鍾意食茶餐廳嘢，不過我住個區又比較新，唔太多茶餐廳，我主要係鍾意飲奶茶，其實個胃都唔多好，所以飲完都好似有啲唔消化，不過係都要飲，

我對奶茶比較講究，大家樂等快餐店太難飲，寧願唔飲囉，見新開咗間茶餐廳，所以去試試，結果除咗杯奶茶似樣少少之外，其餘都唔掂，點咗椒鹽排骨，同菠蘿炒飯，個排骨鹹到呢，咁鹹好易血壓高架～　>_<　炒飯又唔多好食，最慘又唔平噃，所以冇下次啦～

星期六今日做功課，點知發現其中有一科睇textbook 係廢嘅，要睇research paper，即係要上網 download，可惜我冇printer ，即係要返公司先可以有得睇，所以冇得做，唯有快快手手做好另外兩科，都差不多做哂，留番返公司print 出嚟做checking就交得，十四個星期啫，我希望捱吓捱吓好快就過～　(=_=)"

大新信用卡只要簽滿八舊水就可以換東海堂嘅迷你冰燒月（兩個），呢個係其中一個，係栗子味，唔好食囉，仲有一個綠豆未食，不過都唔會有咩期望啦！

好想食奶皇月餅呀，唔係個胃唔妥已經買咗啦，下星期一定要買．．．

另外，今日九月九日係阿哥生日，祝佢生日快樂！！

2007年9月4日星期二

o(≧o≦)o飲食情報

上星期六(25/08/2007)去了百瀧食晚飯，例牌飲一杯巨峰提子乳酪，好好飲，我極力推介，另外點了個多士及石頭炒飯，保持一貫水準，不過唔平～

尋日(01/09/2007)放工則去Pizza Hut食午飯，因為不想食大蝦Pizza，而且份量太多，所以只食午餐，不過都點了迷你 Pizza及白汁雞皇飯，很久沒飲過Pizza Hut的忌廉雞湯，發現好飲過意粉屋好多!

今朝早餐是莫卡朱古力奶，由於是朱古力飲品，所以咖啡味不算濃，如果想咖啡味濃的話，應該飲咖啡，另外是百佳出品的蛋糕，叫做起酥蛋糕，算係幾好食，不過食完又唔多舒服

2007年9月2日星期日

✿構圖的訣竅✿

明知攝影係敗家玩意，所以唔敢去學，想影相，影多啲練習啦，又或者用平平的方法自學，好似近日我去圖書館借咗本書叫＜構圖的訣竅＞，嘩！簡直嘆為觀止，好好用！

佢列出影相十大常犯錯誤，同埋好多攞景技巧十大錯誤

1) 主題居中－－拍照時不要將主題放在畫面的正中央；（怎樣不正中央，書的另一個單元會再詳細說明）

2) 畫面太複雜－－拍照時要有取捨，不要讓畫面容納過多不必要的景物，應儘量維持畫面的單純，這樣才能突出主題；

3) 背景不單－－不論是拍攝較單純的景物或拍攝人像，都不要讓複雜的背景破壞了主題，應盡可能以使用長短鏡頭，放大光圈或接近主題拍攝的方式，將景深縮短，以求得一個單純的背景；

4) 重心不穩重－－拍照時要將景物安排在畫面上適當的位置，讓人看起來四平八穩，而不會有傾斜不穩，或頭重腳輕的現象；

5) 畫面不平衡－－拍照時不要將畫面上的景物過於集中在某一個角落，而應以構圖均衡的需要來佈局，這樣才不會造成上下或左右的不平衡；

6) 水平線中分畫面－－拍照時若畫面中有水平線，不要將水平線放在畫面的正中間，拍攝人像時，若畫面中有水平線，絕對不要讓水平線穿過人物的頭部或脖子；

7) 水平線歪斜－－拍照時的水平線一定要擺正，絕不能歪斜，歪斜的水平線不但沒有意義，而且會產生畫面不穩，不平衡的現象；

8) 空間保留不當－－我們應依據人物的視向或移動的方向，保留必要的視向空間；

9) 畫面橫，直不宜－－不要拿起相機就習慣的將所有畫面都拍成橫式的，而應依據物體的形態或攝影表現的需要來做橫直幅的選擇，

10)主題不明顯，突出－－我們應善用各種構圖的技巧讓主題突出，這樣畫面才不會散漫無章

主題居中？？？

2007年8月29日星期三

•●❤香港夜景❤●•

8月23日（星期四）

去Strawberry Forever食完晚飯之後就在碼頭附近影了不少香港夜景嘅相，之後一直行去鐘樓嗰邊～當日天公做美，天氣雖熱，卻沒有下過一滴雨。

竟然見到我公司嘅總部，又見到中銀，IFC，影咗唔少相，碼頭啲熊貓走哂啦！可能因為太熱，頂唔住．．．

呢個碼頭唔知會唔會遲早都拆埋>_<，又或者唔知搬去邊？

又有鐘樓，時間係晚上九時十分，好多人，又有好多自由行　＠＿＠

仲可以見到會展．．．連倒影都係彩色，真係好靚，五顏六色的倒影，使人目不暇給！霓虹燈璀璨，代表著香港的繁華，不過香港的繁華背後付出了多少代價？

有架船經過，架船郁緊變成鬼火！不過又幾得意，我反而好鍾意。仲有幾幅，好似連環圖咁．．．

可惜自己部相機影夜景真係麻麻，啲色唔夠靚，如果可以買過部就好啦！

其實夜景嚟嚟去去都差不多，不過平日肉眼睇唔覺咁靚，影咗出嚟先覺得靚，

喺香港出世，住咗廿幾年都唔覺咁靚，係因為自己太忙，冇時間欣賞，定係唔識對身邊嘅事物好好欣賞？或者人係唔會對垂手可得嘅嘢珍惜，反而喜歡辛苦去追求難以擁有嘅其他？

2007年8月27日星期一

♪♬♩♫ 台灣遊終極篇♪♬♩♫

拖到今時今日先寫台灣之旅第四日，因為實在太懶了^＿^

由於前一晚去九份很晚才返酒店，所以最後一天也不打算在酒店吃難食的早餐了，決定在西門町附近吃早餐。

今天的行程比較舒服，打算在西門丁逛街以及去阿默買蜂蜜蛋糕。我們乘８時左右的航班返香港，所以可以悠閒地享受一下。不過因為颱風迫近台灣，所以開始下起大雨來，一陣陣的，時大時細。

早上在西門町附近吃早餐。點了蘿蔔糕，沒有餡的蘿蔔糕，不過不失吧。蚵仔煎，今次的蚵仔煎好吃得多，可能煎得比較有火氣吧！豆腐皮蛋是冷盤來的，也好好吃呀！我點了布丁奶茶，其實是台式奶茶，不加珍珠，反而加了小小杯裝的布甸。有圖為証，淡黃色的就是布甸了！好味，不過等於吃多一個布甸，好飽，我也很佩服自己的肚皮為何可以不斷的吃吃喝喝而又沒有肚痛！

我們看旅遊書知道有一家專賣手信的店子，所以先在這裡買了不少朱古力送禮。然後在西門町街頭逛街，想買衣服的，因為很平，不過可能因為我太肥，好多衫都唔啱著，打消了這個念頭啦！所以空手而回>-<，反而之前買了一個布袋很便宜，NT100即是HK$25！哈哈～

雖然之前已經check out，不過仍然把行李寄存在酒店，所以先把糖果手信（台灣人叫手信做伴手禮）放在酒店。之後又出發去買蛋糕了，不過我們先去吃午餐。由於雨時大時小，所以天氣不算熱，而走路途中也沒有傾盆大雨，所以要感恩了！我們在敦ｘｘ站下車（忘記了！>_<），在附近食店點了蛋花粥及排骨麵，排骨即是豬扒。