♪♬♩♫近況 ♪♬♩♫

 快快手手出一個blog先，星期四去咗新開嘅＜大老爺茶餐廳＞食晚飯，因為我好鍾意食茶餐廳嘢，不過我住個區又比較新，唔太多茶餐廳，我主要係鍾意飲奶茶，其實個胃都唔多好，所以飲完都好似有啲唔消化，不過係都要飲，

我對奶茶比較講究，大家樂等快餐店太難飲，寧願唔飲囉，見新開咗間茶餐廳，所以去試試，結果除咗杯奶茶似樣少少之外，其餘都唔掂，點咗椒鹽排骨，同菠蘿炒飯，個排骨鹹到呢，咁鹹好易血壓高架～　>_<　炒飯又唔多好食，最慘又唔平噃，所以冇下次啦～

星期六 今日做功課，點知發現其中有一科睇textbook 係廢嘅，要睇research paper，即係要上網 download，可惜我冇printer ，即係要返公司先可以有得睇，所以冇得做，唯有快快手手做好另外兩科，都差不多做哂，留番返公司print 出嚟做checking就交得，十四個星期啫，我希望捱吓捱吓好快就過～　(=_=)"

大新信用卡只要簽滿八舊水就可以換東海堂嘅迷你冰燒月（兩個），呢個係其中一個，係栗子味，唔好食囉，仲有一個綠豆未食，不過都唔會有咩期望啦！

 

 

 

好想食奶皇月餅呀，唔係個胃唔妥已經買咗啦，下星期一定要買．．．

另外，今日九月九日係阿哥生日，祝佢生日快樂！！