20161214 - ♠♤產後第一跑♤ ♠

12月14日星期三

 

今日屋苑冇水，媽咪休息一日，唔煮飯，熊人夜晚買飯盒食。

 

今日BB好唔聽話，成日喊，要我抱抱，一放低就喊，抱住又唔瞓得耐，見佢瞓咗就諗住坐低，一坐低佢就起身，搞到我連坐都冇得坐，BB日漸長大，好重手，唔可以抱太耐，宜家背好痛，想放低一陣就喊，忍唔住鬧BB幾句，可能姐姐聽到，就撲出來主動同BB傾計同玩，BB同姐姐傾同卡卡笑，真係激死人，我冇眼睇佢。

四點幾五點落街跑步，見凍凍地想去運動場，點知有運動會，唯有去長廊跑，天氣好好，由於先去運動場再去長廊，剛巧是緩跑徑的入口，一口氣跑完2000米之後回程已經冇咩氣，之後仲要行幾百級樓梯上身，返去媽媽度傾幾句，仲洗埋頭。

今次產後第一跑好HEA，但意義重大，因為開咗個頭，要減肥就要跑，希望日後有時間跑跑。

返家見到熊人放BB在床仔好乖乖，看來BB只想扭我抱。