11月9日星期日。
今日最後一天在京都，晚上就會去大阪。今朝在酒店食西式早餐，酒店一千蚊一晚好細，但唔包早餐架，呢餐係自己俾錢。
多士，咖啡。
幾好食，咖啡苦了一點。
蛋卷。
之後坐火車去嵐山，不過當日下大雨，雨下得很大。唉。
由於接近紅葉季節，怕買唔到浪漫小火車的飛，所以第一天到京都時已買定小火車飛了。
通常如果要搭小火車，主要會有兩種路線：
1、先搭JR到馬堀駅，在トロッコ亀岡駅轉乘小火車到嵐山，逛完嵐山再從嵯峨嵐山搭JR回去。2、先搭JR到嵯峨嵐山駅，逛完嵐山後，轉乘トロッコ小火車到亀岡，再從馬堀駅搭JR回去
可惜小火車的景色都幾令人失望，因為呢期係未有紅葉，只有少少紅葉...如果過多兩個星期就好了。
即是坐小火車是返嵐山的。上次沒有去天龍寺，因為凌晨機，四時多已好攰啦，而且天龍寺是收五點半的，所以上年放棄了，
不過天龍寺是世界文化遺產，所以今次就要去行下了，
天龍寺由足利尊氏創建。天龍寺的建築佈局採用借景手法，以嵐山的起伏山脈為背景，將吸取了寢殿造建築格式和禪宗樣式建築格式之長處的還游式庭院建築曹源池庭院融入嵐山的大背景，寺院與自然渾然一體。
門票500日圓
一直都幾大雨，門口寫住紅葉見傾，但有點懷疑，因為呢幾日去的地方都唔太多紅葉，子了永觀堂之外，多是剛開始變紅而已，不過一直行都見到好多紅葉，
而入到去天龍寺見到個塘，就真係嘩嘩聲，不得了。
五顏六色的葉再加上有湖水的倒影，好夢幻。
實在太靚啦，好彩有入嚟睇吓，原來可以靚成咁。
雨時大時小，但總算唔太影響參觀，天龍寺都幾大，可以上上落落咁同圍行吓，有唔少紅葉呢。
庭園有不少漢字，日式也有點中式。
沒有留言:
張貼留言