20130407 - ♪♬♩♫ 好味海鮮餐 ♪♬♩♫

4月7日星期日

行完水塘之後都唔係太晏，只是五點左右，
唔知食咩好，熊初初都未決定煮好定係出街食好，決定去街市打個白鴿轉，睇吓有咩好食再算，
因為近來蟹好貴，夾硬買啲唔合時嘅嘢就唔好囉。
行完之後買咗條斑同埋鮑魚仔。

又瞓咗成個鐘晏覺。
因為個鼻唔妥呀，食了鼻敏感藥，好攰呢。

兩個公雞碗，要來裝飯的，我地食好大碗飯。

 因為有支F1.8 50MM鏡喺度，所以影吓嘢食。
熊比較喜歡食海鮮，所以都係食魚。
呢條斑100蚊左右，非常好食，食魚最好，唔怕高膽固醇。

 另外是鮑魚仔半打，用了少少果皮去蒸，細細隻仲好，因為太大隻好UN的。

仲有本地學斗，不過比較老，有少少失望。

 兩個人三個餸，不過是自家煮的，健康又好味。