20120602 - ♪♬♩♫ 蓮香樓♪♬♩♫

六月二日星期六

要返工，熊接放工

熊想飲茶，佢提議去蓮香樓，我未去過蓮香樓飲茶喎。
媽媽話好污糟喎。都唔係呀。其實似舊式酒樓。
要自己搵位，搵位之嘛，包在熊身上。迫到埋位坐就得架啦。

特別在可以用茶杯裝茶葉。

 

 特別菜色之一豬肚燒賣。
OK

 呢個好似係綿花雞。

 用茶杯倒茶要一定手力同技巧，呢啲粗重功夫，留俾熊做。

 一堆點心車出嚟，好多人圍住搶拎點心，好彩熊都拎到唔少點心。
傳統酒樓比較多包點，可以食得飽人。

 糯米卷都唔錯。

 

春蛋燒賣夠懷舊。

 呢個唔記得叫咩餃。

 呢個係魚翅餃，不過所有餃燒賣都係嗰舊肉。
只係上高可能係春蛋，豬肚或豬膶，個皮可能唔同色咁。

好多遊客嚟食架，有韓國遊客，又有台灣遊客。
聽熊講話佢十幾年前喺中環返工都成日來飲茶，啲伙記都冇變呢。