20120121 - ╭。☆鯉魚門軍營☆。╮

1月21日星期六。

夜晚要回家吃飯，但又想行吓山。
因為唔駛返工。
所以行啲近近地唔辛苦。
今次行市區的鯉魚門軍營。
熊以前細個住赤柱同柴灣，好熟香港島，如果唔係我完全唔知有呢啲地方呀。

可惜當日天氣麻麻，好大霧。
如果唔係可以望到將軍澳果邊呀。

 呢啲屋好舊，可能唔知邊套戲喺度取景都唔出奇。
由於以前係軍營，所以好多啲屋仔，欄咁

 呢間屋好似荒廢了，又有落葉，有啲陰森。

 好多呢啲，可能係打仗用吧。

 要行好多樓梯同斜路先上到去架，所以我又索哂氣啦。

上到去又係食熊準備的三文治，好好食呢。
忽然間番風呀，我哋上到去最高點時番風，落山時凍凍，
第一次感受到原來番風時係高地同埋空曠地方好覺架。
之後同熊食多少少嘢就要返屋企食飯做節啦。