ヾ(◍'౪`◍)ﾉﾞcakessssss

 

近來睇openrice 發現好多高檔cake shop，好貴又好靚，我咁喜歡食cake一定唔會放過，不過先介紹嘅係平易近人的A1麵包，第一位出場的佳麗是芒果奶凍 $18
上面芒果鮮，下面奶凍滑，平民價錢，但一點不失禮。

第二位佳麗是剛才出場的佳麗的親戚，什莓奶凍，水準依然高，不過個人喜好問題都是喜歡芒果多啲。

 第三位佳麗就厲害了，家底豐厚，出身良好

L'Atelier de Joel Robuchon
中環德輔道中12-16號置地廣場4樓401號舖
位於landmark 成35蚊件cake，買一件都俾個靚盒你。

 呢件唔記得咩名，只記得有朱古力同香蕉味，我唔喜歡食只有朱古力的食物，但加埋香蕉就好喜歡，好喜歡佢整得好滑好妯緻，有入口即溶的感覺。

第四位佳麗又係同第三位佳麗同一家族，出身顯赫，今次呢個raspberry tart，好喜歡佢tart 的吉士同埋上面啲cream ， 一啲都唔漏，好細件，食完想再食多一件。

第五位是近來openrice的新貴- Paul Lafayet尖沙咀河內道18號K11購物藝術館G23舖
位於K11，Macaron好出名，不過唔係我杯茶，因為得個甜字

 

當中Creme Brulee是必食，我本身對Creme Brulee好crazy，當你買Creme Brulee時，佢會即場用火槍燒一燒個面令佢變成金黃色.....40大元送埋個兜俾你。

 Cremoso Craquelin淺綠色的一層抺茶味道清香，Mousse質感較為延身厚實，深綠色的一層明顯抺茶味道濃，帶點回甘的味道，最低層是香脆的果仁朱古力脆米，非常香脆甜美，很有嚼勁，整體抹茶味不算太濃，但跟朱古力又出奇地夾。

朱古力蛋糕就好香朱古力味好濃，鍾意朱古力的人就好。

Mille feuilles 酥皮夠脆，中間custard好好食，而且唔算太甜，好好食，強力推介。