☆★雪國拉麵 Yukiguni Ramen+滿記甜品★☆

三月四日約了vyvy去葵芳食嘢，順便見吓蕉仔。

唔知食咩，見雪國拉麵2人SET 好平，於是試吓。

有沙律，OK。

刺身，吞拿魚，三文魚，甜蝦等，不算得上好好食，但都可以接受。

炒雜菜比較油，不過我喜歡加了木魚，所以都OK呀。

仲有炸蝦天婦羅，都幾新鮮，唔會炸好哂。

MISO soup 就麻麻，味精....

金菇肥牛，當然唔係我食，不過好似OK(呢啲唔可能整得差呀)。

當然仲有飯啦。

飲品係燈汁，唔會有咩期望好好飲，所以冇咩失望。

好似唔駛100蚊一個人，抵食呀，但OPENRICE好多喊面，唔明點解，唔係好好食，但一啲都唔難食喎，算係平吖，唔知係唔係拉麵唔好食，所以咁多喊面，但我哋冇食到拉麵，所以冇問題喎。要為佢平反一下，晚餐SET食得過架。

之後就去食糖水，因為滿記就在附近。

呢間好多嘢食，有埋榴槤，vyvy話唔係間間有的，又有綠茶雪糕，我要了楊枝金露+綠茶雪糕。榴槤就唔好搞我啦。 HAHAAH

又食晚餐又食甜品好飽呀。