(◍•ᴗ•◍)1219@雪亮聖誕

十二月十九日 星期五

放工即刻走人，中環站行過香港站有Swarovski，

同埋Kuromi，

因為入迪迪尼annual pass十二月廿日係今年最後一日入可以迪迪尼的日子，而我星期六都唔會入迪迪尼，所以今次係2008年最後一次入迪迪尼了，我入到去都成七點多啲，最後一場星閃皇家舞會都完咗，有唔少人散場，不過一入到park，仍然嚇一跳．．．超級多人．．．好似行花市又或者似身處旺角一樣．．．朋友話星閃皇家舞會時，啲人去到corner cafe　>_<

超喪多人～

想食飯但條人龍長到呢．．．．明明冇show，又要九點先放煙花，不過城堡前面仍然超喪多人，我咁多次都因為人太多影唔到個星閃城堡，不過今次等啲人散緊啲之後可以迫到去前面影到啦，始終要自己親手影到至心息呢！^_^ 

影完未夠八點已經好多人開始坐喺地下度等放煙花．．．等成粒鐘喎！真係滴汗=_=''好啦好冇癮，美國大街成街都係人，有相為証呢，

不過真係幾靚，尤其是成日飄雪，夜景始終都係靚嘅~ 

幾好feel，入shop 行或者打算食小食都一樣好多人，排長龍，水洩不通呀。

最後就食快餐，btw，我其實第一次喺迪迪尼度食快餐咋，都幾好食，九點放煙花時，啲人又係多到去到Corner Cafe，人太多好冇癮呀．．．不過有樣開心嘅係今次幅眼鏡唔同咗呀，唔再係雪人，而係小天使，因為據喺park度做嘅朋友話雪人副眼鏡派哂喎．．．． 

又幾好呢，尤其煙花時，真係好似小天使飛緊咁～好靚呀！
迪迪尼，2009年見啦～