█▇▆▅▄▃▂星期六▂▃▄▅▆▇█

星期六又唔溫書，又出街，今次去沙田，因為好耐冇行沙田，不過聖誕佈置竟然未整好，只有西田嗰邊有少少聖誕布置，不過我覺得九唔搭八呢

之後去食晚飯，好耐冇影過食物，不過唔代表前一排冇去飲飲食食，只係冇咩心機影相，

呢個係麵包加餐湯，個湯超細，好似叫嘉柏天奴湯

蕎麥冷麵，平日我唔係好喜歡食冷麵，因為唔太鍾意食凍嘢，不過呢個冷麵超級好食，啲麵質好好食，好爽，仲有好多墨魚粒都好好食；

有薄餅，係咩黑松露薄餅，黑咩松露吖，我覺得只係冬菇．．．不過都唔錯就算啦，不過價錢就．．．．

蕃茄炸雞扒，炸得好好食架，唔會食落去好多油嘅感覺，actually當然係好多油啦，不過唔覺囉，撈啲蕃茄汁，好好食！

甜品，係咖啡Mousse，好好味，可惜太細杯

最後係餐飲，奶茶，係我飲過茶餐廳以外最好嘅奶茶，

結果又好飽好飽，之後行咗一陣，又買嘢．．．