█▇▆▅▄▃▂別府▂▃▄▅▆▇█

六月十三日(星期三)

 又同vyvy食lunch，今次去別府食lunch。以前好少去別府，係嚟咗呢間公司之後先成日去別府食lunch，因為我哋公司去公司附近間別府有九折呢，而午餐有set大約係四十至五十元一個餐，有甜品，幾抵食。


vyvy個餐係黑椒雞肉定食，有主菜之外又有沙律同甜品，而我個餐係雜錦拉麵定食，個拉麵好多餸，有餃子，豬軟骨，日式魚蛋等，呢個麵基本上係辣嘅，不過由於我病緊，所以只係揀小辣，我個餐仲有兩件壽司呢！所有餐都有甜品，係一件小小嘅Tirmaisu，雖然好細件，但好好食，我同vyvy都覺得正呀！

嗰日真係幾唔舒服，所以好眼瞓，而且食唔哂啲麵，平日一定食哂架，真係好可惜。另外可能我病懵咗，所以唔記得帶相機，啲相其實係vyvy影嘅，結果我不幸地上咗鏡，拉麵定食嗰對手咪係我對手嚟囉！

Vyvy幫我買咗罐曲奇餅，我一定要佢收我錢，因為呢罐係大罐嚟架，我呢幾日早餐都加料食多四塊曲奇，我阿媽仲問我可唔可以一食完就買，咁嘅形勢應該好快食哂！