20151116 - 自家製鹹豬手ⓛⓞⓥⓔ

11月16日星期一

9月18日結婚周年同熊去過食德國咸豬手之後，佢就興起自己整豬手的念頭。

我10月11月都要夜放工，我10月30日同佢講要9點幾至返，咁佢就整豬手，不過原來要焗好耐。所以我返到去都要等到10點先食得，當日冇飯所以都未至於好飽。

 

 

食過翻尋味，熊決定再整，因為今次仲請埋黑白人食。嘻嘻，仲整埋意粉，有意粉就好飽啦。

焗到隻豬手外皮脆脆，再點個青蘋果為主的汁，好好味。個個都讚不絕口。

 

仲有薯仔。又意粉又薯仔，飽到不得了。

20151115 - ヾ(◍'౪`◍)ﾉﾞ幾幅畫

11月15日星期日

之前畫畫有啲朋友仔LIKE，熊表弟問我可唔可畫幾幅畫俾佢做童子軍活動。

其中幾個題目是亂過馬路。

講粗口

採摘花朵。

 

仲有亂拋垃圾(冇畫到)同埋不聽領袖指示(唔識畫)，今次畫畫算係原創，都幾有意義，但由於畫得比較急，填顏色時間不足，所以無之前的咁細緻。

20151114 - ☹未到時候的大東山☹

11月14日星期六。

星期六放假，見係秋天就去行吓大東山，香港第三高的山。點知好熱冇風，濕度好高，唔似秋天，似春天的天氣，由伯公坳上其實唔難行，只是不停上斜，我哋行慣都OK，只是濕度太高比較難頂。

 

但見途中有唔少女仔好似行得好辛苦，如果一個完全唔做開運動的人就唔好第一次行山就行大東山，應該行吓點簡單行山徑先。由於今次都幾早出發，而且冇芒草，冇咩靚景，所以我哋都冇乜影相，唔會浪費時間，所以上到去山上可以行吓屋仔，上到山上，時晴時暗，霧很大，如果冇太陽時，大霧到咩睇唔到，雖然今次冇芒草，不過可以睇到唔少屋仔都OK。

芒草真係好少，再加上天灰灰，沒有太陽就算有芒草都唔會金色，原來靚景唔係咁易遇到架。

我哋走的時候揀錯路，唔行回頭路經伯公坳，亦都唔經南山，而選擇了好難行的黃龍坑郊遊徑，呢條原來係全港最難行的郊遊徑，沒有風景，被樹木遮蔽的石路又濕又滑，起點接近東涌黃龍坑道盡頭，終點則在鳳凰徑第二­段爛頭營附近，兩者之海拔高度差異達到六百公尺，但全長只得二點三公里，傾斜度可想而­知，官方估計完成全程時間約為兩小時。是一條能鍛鍊體能和耐性的山路，如果上到二東山，大約有2200級樓梯之多，當日唔知道條路咁難行，行到講哂粗口，雖然只是落山，但不停的落樓梯其實腳步要承受的力度好大。最後由黃龍坑道行去東涌都要成半小時，真係好辛苦。

http://www.hktraveler.com/angus/angus_03.asp
位 於 大 嶼 山 中 部 的 大 東 山 （ 高 869 米 ） 與 二 東 山 （ 高 747 米 ） 之 間 的 山 上 ， 建 有 十 數 間 小 石 屋 ， 石 屋 平 均 面 積 約 卅 餘 平 方 米 ， 內 裡 有 睡 房 、 廳 、 廚 房 及 廁 所 ， 而 在 二 東 山 之 西 南 面 對 下 一 條 溪 澗 的 源 頭 上 ， 更 築 有 一 個 小 型 泳 池 （ 現 已 荒 廢 ） 。
五 、 六 十 年 代 ， 一 英 資 集 團 在 港 工 作 的 員 工 患 上 了 思 鄉 病 ， 於 是 該 機 構 找 到 大 東 山 營 地 上 興 建 了 十 數 間 石 屋 ， 屋 內 設 備 齊 全 ， 並 築 有 游 泳 池 ， 供 員 工 渡 假 ， 以 舒 緩 他 們 的 思 鄉 情 緒 ， 這 個 營 地 就 是 大 東 山 「 爛 頭 營 」 了 。 而 大 東 山 也 是 一 個 觀 賞 日 落 的 好 地 方 ， 所 以 它 的 英 文 名 字 叫 「 Sunset Peak 」 。
遊 人 前 往 大 東 山 「 爛 頭 營 」 的 方 法 有 三 個 ：

（ 一 ）	從 「 梅 窩 」 南 山 郊 野 公 園 起 步 ， 沿 「 鳳 凰 徑 」 而 上 ， 步 程 約 二 小 時 。
（ 二 ）	由 伯 公 坳 起 步 （ 又 名 東 涌 坳 ） ， 此 為 石 砌 小 徑 ， 沿 途 並 無 平 路 ， 行 來 頗 吃 力 ， 步 程 約 一 小 時 半 。 以 上 二 條 小 徑 沿 路 開 揚 ， 視 野 廣 闊 ， 極 目 遠 眺 ， 整 個 嶼 南 一 帶 及 「 索 古 群 島 」 皆 盡 入 眼 簾 。
（ 三 ）	位 於 東 涌 黃 龍 坑 道 的 「 黃 龍 坑 郊 遊 徑 」 （ 又 名 東 梅 古 道 ） ， 此 徑 初 段 急 上 大 石 級 ， 過 觀 景 台 後 ， 往 後 的 是 一 條 樹 木 蔽 天 的 深 幽 小 徑 。 步 程 約 二 小 時 。 此 徑 右 下 方 之 深 谷 為 「 黃 龍 坑 」 ， 谷 內 隱 藏 了 著 名 的 「 黃 龍 石 澗 及 藏 龍 石 澗 」 。

20151113 - ❤❤農夫包❤❤

11月13日星期五
想去朗豪坊睇Line Friends x'mas party，點知未整好都夠膽死，已經遲咗成個星期，望入去見個進度仲爭好遠，會唔會爛尾架。

 

當冇line公仔時，朗豪坊頓時冇哂吸引力，食嘢又多人又貴，所以不如去隔離的旺角熟食中心，

位於旺角熟食中心既澳門翠苑茶餐廳，朗豪坊行過去都係2分鐘左右。

一個餐有農夫包配雞，咖喱汁，飲品，仲有羅宋湯。農夫包是即叫即製的，需時大約十分鐘有一碗咖喱汁配農夫包，碗羅宋湯好似幾多料。個農夫包超大個，兩個人都夠哂食，熊人仲要一個人飲哂個湯，超飽呢。不過唔應該撩軟殼蟹，應該揀豬頸肉，因為軟殼蟹貴啲之餘，又冇咩肉，反正用了咖哩汁都差不多味呢。

20151113 - o(︶︿︶)o爛尾？

11月13日星期五

明明話上星期六朗豪坊應該有line 聖誕裝飾，估唔到今日都未有，得間pop up stone 開咗，我哋在中庭圍咗布的地方裝入去，只見到好多公仔放喺度，但未裝好，應該有排都未得，會唔會爛尾架？好失望呢。

只好上樓上的限定店睇吓。

盞燈好正，但過千元（≧∇≦）

Pop up store有公仔，無法子，唔可以放過佢，影吓先
莎莉。
其實朗豪坊外圍都有line裝飾，應該唔會爛尾，但幾時整好就冇人知啦。

雖然咩都影吓，但好失望。

20151112 - ｡◕‿◕｡漁牧

11月12日星期四

同同事慶生，揀咗間食新派川菜叫漁牧。

有老北京烤鴨，都唔錯，唔差得過酒樓，皮烤得好脆，切得好薄，而且鴨亦唔太肥，好食。
層薄皮(這裏叫麼麼皮， 名字蠻有趣的)用白色的瓦爐呈送以保持溫度，非常細心。

 

當晚試了Hoegaarden Rosee$42，不過同相中的粉紅色差好遠，幸好桑子味唔錯，又似果汁又似啤酒。

 

 

酸菜魚煱，魚肉因為烤過，所以質感徧實，但不鞋口，我反而好喜歡配料如蓮藕等吸收了湯汁非常開冑惹味，因為只係小辣唔算好辣又酸酸地，我都食到，而且好醒胃呢。

 

 

雞煲也選了少辣的，一貫好重口味的雞煲，間中食吓都ok架。

 

招牌菜之一漁牧混豬好食，菜單註明採用一個月大的奶豬，個豬燒得好香好脆，肉質亦都好腍包住糯米飯，好夠味好香亦好邪惡，再加三種特色醬有傳統乳豬醬，抹茶醬仲有漁牧特色醬有少少似芥辣，各有千秋。

 

 

平日怕辣唔食川菜，不過呢間改良過我都食到，覺得幾好食。

20151108 - ◇◆雙魚河石上河◆◇

 

11月8日星期日，

近來好多人都去上水一帶賞花，

有一種紫色花很美。

它就是翠蘆莉，原產地於墨西哥，屬於觀賞花種。翠蘆莉的花朵最常見是藍紫色，但亦有粉紅色及白色，春至秋季均會開花，花期極長。最特別又最可惜的是每朵花在早上至中午綻放，但黃昏已經凋謝，壽命僅一日而已，不過花謝花開延續不斷，基本上日日都可看到花。

 

 

(取自網絡上的)

我哋當日又學人去睇，但唔打探清楚就去，找地圖上網找知道在上水雙魚河及石上河文界，但我哋唔知道只有早上至中午有花，去到已時三時多了，當然找到不紫花，最後找了很久才找到些已凋謝及落下的花，花是很薄，看似很脆弱，難怪幾小時就落花，

沒有花就只好賞雲及日落吧。

 

當日有一塊好像羽毛的雲。

 

原本可看到的日落剛好被一舊烏雲遮蔽了。

只有散射的穌光。

20151107 - (≧▽≦)奸夫@ VCity

11月7日星期六

同熊媽媽食完嘢之後，我哋兩口子行VCity，因為有奸夫聖誕節裝飾。

奸夫唔係太多人識，估唔到會用奸夫布置。

以下是停車場出入口的玻璃門。

上到去中庭有聖誕遊樂園。

有兔兔，馬騮。

可以同兔兔一起坐。

最愛還是熊人，白雲熊是新款。

仲有pop up store, 有藍天白雲熊，但都幾貴，無買到。反而在商場內買了隻譚詠麟DVD俾媽媽。

20151107 - ❤♡ 緣來素食(屯門)♡❤

11月7日星期六。

同熊媽媽周圍去，又食吓齋咁，今次去咗屯門新墟的緣來素食。算係新過嚟的分店。

前一兩年熊住喺麗日閣時，我哋成日經過新墟一帶架。原來在雅都花園度。

呢間素一向唔錯，如果tea time食會抵啲，但我哋太晏去，所以沒有優惠。

點了菠蘿咕嚕肉，喜歡佢除了菠蘿，還有其他水果，例如火龍果，提子。

牛油果炒飯。但牛油果唔太腍。

支竹火腩煲。都幾好食。

 

20151103 - ☆★自製熊大★☆

11月3日星期二，

之前有一日出咗去西九龍買咗啲啡色羊毛氈，打算整隻熊大，

其實都唔難整，只是嫌自己拮得唔夠光滑細緻。

宜家識得整個嘴，原來要整到好薄好薄。

無深啡色整耳朵，只有加少少黑色就算。

 

 

手腳的接駁位，連接頭的表駁位始終麻麻，點先可以整好啲？

想整披肩熊大，但沒有紅色，下次買到先補番。