20121119 -╭。☆ Legoland @ Times Square☆。╮

11月19日 星期一，

因為想星期三跑步，所以就揀咗星期一去Times Square 睇Legoland。

去食餐好啲，因為好開心唔駛搞上市的東東，個人輕鬆，要去大擦一餐。

去cwb就會想起同熊第一次見在apple green。
不過今次我地去食魚生飯。

熊帶過我去食魚生飯好好食。定食doraya座位不到廿個的小舖情懷， 佢啲吞拿魚好好食。
我食咗呢個，吞拿魚蓉配大拖羅定食。

 定食有湯，玉子。吞拿魚肥美。

 呢個係熊的定食。

 好多木魚

 定食可以加十元轉大蜆湯，真係好多蜆肉。

 之後行去TS影LEGO村，本來打算影完先食飯，不過一出地鐵上TS發現LEGO村封了，好似話之前有明星喎。
唯有食完就返轉頭再影。

 雪人， XD

 露天是一個LEGO TOWN，有好多LEGO店子。
其中的CAKE SHOP 可以入內參觀。

 有好多西餅喎。

 仲有士多啤梨蛋糕。

 另一間賣麵包的。

 仲有切肉的屠夫。

 上一樓仲有架。

 有花店。

 好喜歡隻狗。

 呢個就係用LEGO切的，即是LEGO村的原版。

20121118 - (◍•ᴗ•◍)hea hea

11月18日星期日

熊有人上來裝NOW，
我就在屋企執冬天衫換季，
搞得嚟都三點了。
原本想去黃金海岸hea hea，點知熊揸揸吓入了屯門，
到了屯門泊好車先發現我整唔見了佢部電話。
其實係喺車度唔見，擾攘了一輪當然在車上面搵返。
我太大懵了。 >__<



 熊原本想吃delifrance，但唔知係唔係執咗。

最後路經Spaghetti 360，啲tea set好似幾正。
大家都未食過呢間就去試試啦。

杯咖啡幾好呀，set 嚟講唔錯，啲奶仲係暖的，好有heart，仲要有塊曲奇餅，

 2mm pizza，餡料只是普通餡料，不過真係好薄好脆。當然就唔飽肚啦。

 另一個TEA SET 是甜品，紅豆雪糕配栗子蓉酥餅。
有其他味的，例如水果，不過我覺得呢個日式餡，比較少有，不過熊麻麻地喜歡栗子，下次唔叫了，事實上栗子蓉都真係幾漏的。

 屯門市廣場聖誕節主題好靚，好得意，好似我宜家玩緊個動物GAME 咁。

 好多小動物亦好多人。本來想影多幾張，但太多小朋友，唔夠人迫。

 幫熊執多一陣嘢，執埋廚房用品，終於大功告成，希望熊住得開心。

結果都晏晏食晚飯，熊下午的時候知我想食烏冬，於是夜晚去食烏冬。
自家烏冬。

 我點了蕃茄湯豬軟骨烏冬，個蕃茄湯幾濃郁，幾好食，但啲豬軟骨就麻麻地了。

 熊點了天婦羅掛烏冬，掛烏冬只是用日式醬油撈在烏冬上，由於日式醬油好淡，所以都幾清。

 仲有蟹肉野菜餅，有南瓜，蘿蔔，豆，蕃薯等，雖然熱氣但好食。

20121117 - ~(￣▽￣)~*鬆一口氣

11月17日星期六。

今日好日，好似好多人都擺酒。
對我嚟講都係好日，
因為困擾了個多月的事終於解決了。
原本要我做埋啲無謂嘢，最後唔玩了。
所以我都可以甩身。
聽聞過埋HEARING架啦，係老闆覺得唔好賺，可能有其他OPTION仲好，所以突然決定唔玩。
開心，放下心頭大石，個人都開心哂了。

所以決定俾自己再開心啲，放工買了兩個PUFF，同媽媽一人一個食。
一個是意大利芝士味，個外形係衰少少，不過上次同熊食過又幾好食，所以買俾媽媽試吓。

另一個是北海道牛奶，比原味濃少少，多少少奶味，清過意大利芝士。結果同媽媽一人一半，媽媽話兩個都好味。

食完之後好滿足，個人輕鬆哂又開心。

在家HEA一陣之後就去飲。
好彩同個舊同事好多嘢講，冇咁悶，去飲其實好悶。

去到如心廣場，好遠，返屋企等車耐到死，個幾鐘頭先返到，住啲鬼地方好悲哀，人生的不幸。 

20121116 - ♪♬♩♫ 得意糖♪♬♩♫

1月16日星期五，同事由日本歸來，買盒好靚的糖一人一粒，由於實在太靚，個個女同事見到都嘩嘩聲。

 之後就係咁影啦。

 我食綠色呢粒，好唔好食就唔好講。
最緊要夠靚，大家開心。

20121116 - ╮(╯3╰)╭跑得攰

11月16日 星期五

因為熊搬屋忙忙，兩個幾星期冇跑步，

今次跑步天氣熱咗，熱過之前，再加上耐冇跑，肌肉差咗，跑幾跑就攰，又熱又唔夠氣，熱到個人冇心機跑。
對腳又唔順，跑咗幾個圈都唔順，
但唔想成績倒退，唔想跑得少過上次，上次差1/4夠十個圈，今次唔想衰過上次，
堅持跑到十個圈，
跑到89個圈對腳先順，不過已經太遲了，因為太熱，冇咩耐力了。
最終十個圈，
原來一唔跑啲肌肉就會差架啦。 >__<

20121115 - ♣♧黑松露餐♧♣

11月15日星期四

同同事去食團購買的黑松露餐。
4個人。
每日9X元

K 1   Cafe & Bar，由於位處上環，夜晚真係冇咩客仔架。

有餐酒飲的。但好姑寒，得好少咋，得兩啖， :'(

 麵包ok。

 藍瓜濃湯，都幾好飲。

 沙律就兩個人一份，有雞。

 也有煙三文魚，兩個沙律都是凱撒沙律底。有啲黑色就係黑松露。

 有意粉。

 pizza，都幾好食，幾薄，但未算好脆。

 意大利飯，好普通。
全部都有黑松露。
廚房出菜好慢呢。

 半隻春雞，上菜時唔熟，要叫佢翻熱。
有啲薯蓉，都幾好食。

 甜品有四款，order哂四款試試。
呢個叫brownie....texture 似chocolate cake 多啲，味道似，好濃，但應該好硬，唔係咁囉，仲有啲朱古力醬，似似地心太軟咁...如果叫chocolate 係合格的。
不過宜家就....

 cheese cake....好難食，texture完全唔得，冇芝士味又似加了魚膠粉咁彈彈吓。唔得。

 朱古力cake。ok，可以接受。

 焦糖布甸算是最好，不過唔多有雲呢拿味。

overall main cousre ok，但甜品幾唔得。地點唔方便，冇下次了。