☼☀ 海洋公園暴曬記-2☀ ☼

宜家有功夫熊貓睇，我之前講過鍾意功夫熊貓 ，所以喪影相，好開心呀 ，有師傅，老虎女，當然唔少得阿寶啦～入到去仲正呀，好似套戲部份場景都有，正！ 影好多相，我最鍾意都係影食物，假食物都唔放過～

 

睇真熊貓～沿途好多熊貓公仔，又影，冇辦法啦，我鍾意熊貓 嘛，而且出面啲 熊貓公仔真係吸引過安安，佳佳，樂樂 ，盈盈 ，因為佢哋太懶啦，淨係識得瞓覺，郁都唔郁一下，場館又黑，預咗影唔到相～

睇完熊貓就去shop度搞搞震，

 

 

話咁快天黑 ，咁就一日，

最後去咗銅鑼灣食晚飯～

☼☀海洋公園暴曬記-1☀☼

八月廿四日星期日

星期五先打完風，星期日已經好好太陽

，不過出門口時忽然好大雨 ，落咗十分鐘之後又停咗，仲好猛太陽

，去金鐘搭車入海洋公園，我好似十年冇去過海洋公園啦～

先影番張到此一遊照片先，

見到海獅噃（應該係海獅？ ）又影吓先，不過距離都幾遠，部機zoom唔到， 係咁上下架啦～

之後行吓shop，影吓啲熊貓公仔 企鵝公仔  ，點解咁似Pingu同 Nemo嘅

去玩機動遊戲，可惜好多人好多人又曬又熱 ，排隊位又design得唔好，好焗好熱呀～爭啲中暑啦～，第一站玩越礦飛車（好似係呢個名）， 排成廿幾分鐘，玩得兩分鐘唔驚險，有一兩吓離心力，但唔夠快，之後好似去睇海洋劇場，一個字悶，最尾有海豚就好啲～

然後玩我至愛嘅海盜船，又排隊，都唔算太多人三兩個字咁啦 ～可以坐最尾一行，太好啦，一啲感覺都冇，好想玩多幾次，不過又要排隊就唔好啦 ，見跳樓機冇咩人排隊噃，就玩吓啦～未玩過跳樓機，有啲驚 ，不過朋友玩同之前越礦飛車差不多，又試吓玩啦，第一下有啲驚，因為成個人離開張凳咁款 ，點知原來就係得果吓 ，好彩之前升到最高幾涼 ，唔曬，而且個view 都幾好～

 

 

玩完跳樓機已經成五點，快快趣趣坐纜車睇熊貓，可惜連

 

水母都冇時間睇～上到纜車又影吓啦～宜家加咗好多輕氣球幾靚呀

 

█▇▆▅▄▃▂繼續▂▃▄▅▆▇█

食完飯之後去影相,繼續影summer Mickey ，簡直係暴曬呀，你睇個太陽幾猛，  迪迪尼的美國大街好似冇人咁，其實唔係吖，  只係啲人走哂入shop太陽，  因為個太陽曬落嚟直情痛呀

，所以我變咗碳咁黑  

 

 今次又叫佢哋擺ｐｏｓｅ，今次可以睇清楚件衫啦  ～之後去睇吓有冇其他公仔影相，發覺好似少咗好多公仔，高飛都係單拖咋～唔知係人多定係因為熱得滯 

 ，因為扮公仔啲人其實真係好辛苦，你睇幅幅都好多好好太陽 

 去幻想世界睇吓會唔會有其他公仔，因為始終未同Donald& Daisy

一齊影相  ，只係單拖或者其他節日衫，反而最common嘅冇～ 點知都係平日果啲，有chip dale不過點解件衫係新年嘅？有啲失望，不過佢哋個pose  好開心～好生鬼 

 ～

 好彩行番出嚟又見番pair Donald & Daisy，終於可以一對影啦  ，之後仲睇埋parade呢，個位一啲都唔曬，不過都一樣好熱好熱，同埋啲同胞又死迫爛迫，好討厭   ，water parade又整濕衫 

，不過都冇咩所謂，起碼涼涼地～

之後行一陣，睇吓嘢，好早就出番嚟啦！